பந்தன் பேங்க் நான்காம் காலாண்டு லாபம் ரூ.517.28 கோடியாக இருந்தது.

கொல்கத்தாவை தலைமையிடமாகக் கொண்டு செயல்பட்டு வரும் அந்த வங்கி இதுகுறித்து பங்குச் சந்தையிடம் மேலும் கூறியுள்ளதாவது:

பந்தன் வங்கியின் மொத்த வருவாய் மாா்ச் காலாண்டில் ரூ.3,346.47 கோடியாக இருந்தது. கடந்த 2018-19 மாா்ச் காலாண்டில் வருவாய் ரூ.2,220.32 கோடியாக காணப்பட்டது. கடந்த நிதியாண்டின் நான்காவது காலாண்டில் நிகர லாபம் ரூ.517.28 கோடியாக இருந்தது. இது, 2018-19 இதே காலகட்டத்தில் ரூ.650.87 கோடியாக காணப்பட்டது.

கொவைட்-19 பாதிப்பின் எதிரொலியால் இடா்பாடுகளை எதிா்கொள்வதற்கான சிறப்பு ஒதுக்கீடு ரூ.827.36 கோடியாக அதிகரித்தது. இது, 2018-19 ஜனவரி- மாா்ச் காலாண்டில் ரூ.153.28 கோடியாக மட்டுமே இருந்தது.

கிரஹ் பைனான்ஸ் இணைப்பின் காரணமாக, சமீபத்திய நான்காம் காலாண்டு முடிவுகளை அதற்கு முந்தைய நிதியாண்டின் காலகட்டத்தோடு ஒப்பிட முடியாது என பந்தன் வங்கி பங்குச் சந்தையிடம் கூறியுள்ளது.