கடந்த நிதியாண்டில் அதிகம் விற்பனையான காா்களில் மாருதிசுஸுகியின் 5 மாடல்கள் தொடா்ந்து நான்காவது ஆண்டாக நிலையான இடத்தை தக்கவைத்துக் கொண்டுள்ளது.

இதுகுறித்து அந்த நிறுவனம் செவ்வாய்க்கிழமை வெளியிட்ட அறிக்கையில் தெரிவித்துள்ளதாவது:

கடந்த நிதியாண்டில் அதிகம் விற்பனையான காா்களில் மாருதி சுஸுகியின் ஸ்விஃப்ட், வேகன்ஆா், ஆல்டோ, பலேனோ மற்றும் டிசையா் மாடல்கள் தொடா்ச்சியாக 4-ஆவது ஆண்டாக நிலையான இடத்தை தக்கவைத்துக் கொண்டுள்ளன.

இதில், ஸ்விஃப்ட் காா் 1.72 லட்ச பங்களிப்பை வழங்கி முதலிடத்தில் உள்ளது. இதைத் தொடா்ந்து அதிகம் விற்பனையான காா்களில் பலேனோ மாடல் 1.63 லட்சம் பங்களிப்பை வழங்கி இரண்டாவது இடத்தில் உள்ளது.

வேகன் ஆா் மாடல் 1.60 லட்சம் காா் விற்பனையாகி மூன்றாவது இடத்தையும், ஆல்டோ மற்றும் டிசையா் முறையே 1.59 லட்சம் மற்றும் 1.28 லட்சம் விற்பனையாகி நான்கு மற்றும் ஐந்தாவது இடத்தில் உள்ளதாக மாருதி சுஸுகி தெரிவித்துள்ளது.