வேளாண் உபகரணங்கள் தயாரிப்பில் முன்னணியில் உள்ள எஸ்காா்ட்ஸ் நிறுவனத்தின் நான்காம் காலாண்டு லாபம் இருமடங்கு அதிகரித்துள்ளது.
இதுகுறித்து அந்த நிறுவனம் பங்குச் சந்தையிடம் வெள்ளிக்கிழமை தெரிவித்துள்ளதாவது:
நிறுவனத்தின் ஒட்டுமொத்த செயல்பாட்டு வருமானம் 2021 மாா்ச் மாதத்துடன் நிறைவடைந்த நான்காவது காலாண்டில் ரூ.2,228.75 கோடியாக இருந்தது. இது, முந்தைய 2019-20-ஆம் நிதியாண்டின் இதே காலகட்டத்தில் ரூ.1,385.65 கோடியாக இருந்தது.
ஒட்டுமொத்த நிகர லாபம் ரூ.127.73 கோடியிலிருந்து இருமடங்கு உயா்ந்து ரூ.285.41 கோடியைத் தொட்டுள்ளது.
கடந்த மாா்ச் 31-ஆம் தேதியுடன் முடிவடைந்த நிதியாண்டில் நிறுவனத்தின் ஒட்டுமொத்த வருமானம் ரூ.5,810.09 கோடியிலிருந்து ரூ.7,014.42 கோடியாக அதிகரித்துள்ளது. அதேபோன்று ஒட்டுமொத்த நிகர லாபமும் ரூ.471.72 கோடியிலிருந்து ரூ.871.63 கோடியாக உயா்ந்துள்ளது.
டிராக்டா் விற்பனை: கடந்த 2020-21-ஆவது நிதியாண்டில் நிறுவன டிராக்டா்களின் விற்பனை 24.1 சதவீதம் உயா்ந்து 1,06,741-ஆக இருந்தது என எஸ்காா்ட்ஸ் தெரிவித்துள்ளது.