ஜேஎஸ்டபிள்யூ குழு நிறுவனங்களின் உருக்கு உற்பத்தி கடந்த ஜூலை-செப்டம்பா் காலகட்டத்தில் 29 சதவீதம் வளா்ச்சி கண்டுள்ளது.

இதுகுறித்து அந்த நிறுவனம் மேலும் கூறியுள்ளதாவது:

ஜேஎஸ்டபிள்யூ குழும நிறுவனங்கள் நடப்பு நிதியாண்டின் ஜூலை-செப்டம்பா் வரையிலான இரண்டாவது காலாண்டில் 50.7 லட்சம் டன் உருக்குப் பொருள்களை உற்பத்தி செய்துள்ளன. இது, 2020-21 நிதியாண்டின் இதே காலாண்டில் உற்பத்தியான 39.2 லட்சம் உருக்குப் பொருள்களுடன் ஒப்பிடும்போது 29 சதவீதம் அதிகமாகும்.

ஜேஎஸ்டபிள்யூ நிறுவனத்தின் தனிப்பட்ட உருக்கு உற்பத்தியானது கணக்கீட்டு காலாண்டில் 38.50 லட்சம் டன்னிலிருந்து 6 சதவீதம் அதிகரித்து 41 லட்சம் டன்னை எட்டியதாக அந்த நிறுவனம் தெரிவித்துள்ளது.

ரூ.97,500 கோடி மதிப்பிலான ஜேஎஸ்டபிள்யூ குழுமத்தின் முக்கியமான நிறுவனமாக ஜேஎல்டபிள்யூ உள்ளது. எரிசக்தி, உள்கட்டமைப்பு, சிமென்ட், பெயிண்ட், விளையாட்டு என பல்வேறு துறைகளில் ஜேஎஸ்டபிள்யூ குழுமம் ஈடுபட்டு வருகிறது.