சில தினங்களுக்கு முன்பு இளையராஜாவுக்கு உடல்நலக் குறைவு ஏற்பட்டதைத் தொடர்ந்து,அவர் தனியார் மருத்துவமனையில் அனுமதிக்கப்பட்டதாகவும், தீவிர சிகிச்சைப் பிரிவில் வைத்து மருத்துவர்கள் அவருக்குச் சிகிச்சை அளிப்பதாகவும் தகவல்கள் வெளிவந்தன.

இந்நிலையில் இளையராஜாவின் உடல்நலம் குறித்து இயக்குநர் வெங்கட் பிரபு தகவல் ஒன்றை ட்விட்டரில் தெரிவித்துள்ளார். அதில் அவர் கூறியதாவது:

இசைஞானியின் எல்லா ரசிகர்களுக்கும் ஒரு செய்தி. ராஜா அப்பா நலமுடன் உள்ளார். இது பொதுவான செக் அப் தான். சில பரிசோதனைகளும் மேற்கொள்ளப்பட்டன. இன்று அவர் வீடு திரும்பினார்.