சிவகார்த்திகேயன், கீர்த்தி சுரேஷ் நடித்துள்ள ரெமோ படத்தை பாக்கியராஜ் கண்ணன் இயக்கியுள்ளார். ஆர்.டி. ராஜா தயாரித்துள்ள இப்படத்துக்கு ஒளிப்பதிவு - பி.சி. ஸ்ரீராம், இசை - அனிருத். தணிக்கையில் ரெமோ படத்துக்கு யூ சான்றிதழ் கிடைத்துள்ளது.

நேற்று வெளியான ரெமோ, வசூலில் சாதனை நிகழ்த்தி வருகிறது. முதல் நாளில் மட்டும் ரூ. 8 கோடி வரை வசூல் செய்துள்ளது. சிவகார்த்திகேயன் படங்களில் அதிக முதல்நாள் வசூல் கண்டது ரெமோதான். இந்த வருடம் வெளியான படங்களில் கபாலி, தெறி போல முதல் நாளன்று அதிக வசூலைக் கண்ட படங்களின் பட்டியலில் ரெமோவும் இடம்பிடித்துள்ளது. 6 நாள்கள் வரை விடுமுறை உள்ளதால் ரெமோ படத்தின் வசூல் அடுத்தடுத்த நாள்களில் இன்னும் அதிகமாக வாய்ப்புள்ளதாகக் கருதப்படுகிறது.