உதயநிதி ஸ்டாலின் நடித்த படத்துக்கு நல்ல வசூல்!

புதுமுக இயக்குநர் தளபதி இயக்கிய 'பொதுவாக எம்மனசு தங்கம்' படத்தைத் தேனாண்டாள் பிலிம்ஸ் நிறுவனம் தயாரித்துள்ளது. உதயநிதி ஸ்டாலின், நிவேதா பெத்துராஜ் போன்றோர் நடித்துள்ளார்கள். பாலசுப்பிரமணியம் ஒளிப்பதிவு. இசை - இமான். 

இந்தப் படம் சத்தமில்லாமல் நல்ல வசூலைப் பெற்றுள்ளது. முதல் நான்கு நாள்களில் ரூ. 5 கோடி வசூலைப் பெற்றது. அடுத்ததாக 8 நாள்களில் ரூ. 8.25 கோடி வசூல் பெற்று தயாரிப்பாளருக்கு லாபத்தைத் தந்துள்ளது.

சீரான வசூலைப் பெற்று படம் ஹிட் ஆகியுள்ளது என்று தயாரிப்பாளர் தரப்பில் இந்தப் படத்தின் வசூல் நிலவரம் குறித்து கூறப்பட்டுள்ளது.