சிங்கம் 3 சூப்பர் ஹிட்: இயக்குநர் ஹரிக்கு டயோட்டா காரைப் பரிசளித்த சூர்யா!

ஹரி இயக்கத்தில் சூர்யா, ஸ்ருதி ஹாசன், அனுஷ்கா நடித்து வெளியான படம் சி 3 (சிங்கம் படத்தின் மூன்றாம் பாகம்). இதற்கு முன்பு வெளிவந்த இரு பாகங்களும் வெற்றி பெற்றதால் சூர்யா - இயக்குநர் ஹரி கூட்டணியில் உருவான சி 3 படத்துக்கு அதிக எதிர்பார்ப்பு உருவானது. இந்தப் படம், பிப்ரவரி 9 அன்று வெளியானது. 

மற்ற இரு பாகங்களைப் போல இந்தப் படமும் ரசிகர்களின் ஆதரவைப் பெற்று வெளியான சில நாள்களில் ரூ. 100 கோடி வசூலைத் தொட்டதால் இதனால் குஷியான நடிகர் சூர்யா, இயக்குநர் ஹரிக்கு டயோட்டா ஃபார்சூனர் காரைப் பரிசாக அளித்துள்ளார்.