மகேஷ்பாபு நடிப்பில் உருவாகியுள்ள ஸ்பைடர் படத்தை ஏ.ஆர்.முருகதாஸ் இயக்கியுள்ளார். தெலுங்கு மற்றும் தமிழில் உருவாகியுள்ள இப்படத்தில் ராகுல் ப்ரீத் சிங், எஸ்.ஜே.சூர்யா, பரத், ஆர்.ஜே.பாலாஜி உள்ளிட்ட பலர் நடித்துள்ளார்கள். இப்படத்துக்கு ஹாரிஸ் ஜெயராஜ் இசையமைத்துள்ளார். சந்தோஷ் சிவன் ஒளிப்பதிவு செய்துள்ள படத்தை என்.வி.பிரசாத் மற்றும் தாகூர் மது தயாரித்துள்ளார்கள். செப்டம்பர் 29 அதாவது ஆயுத பூஜை அன்று படம் வெளிவருகிறது.

ஸ்பைடர் படத்தின் தமிழ்நாட்டு உரிமையை லைகா நிறுவனம் பெற்றுள்ளது. ரூ. 25 கோடிக்கு இந்த ஒப்பந்தம் கையெழுத்தாகியுள்ளதாகக் கூறப்படுகிறது. இதற்கான அறிவிப்பை லைகா நிறுவனம் அதிகாரபூர்வமாக வெளியிட்டுள்ளது.

இந்நிலையில் ஸ்பைடர் படத்தின் புதிய புகைப்படங்கள் வெளியிடப்பட்டுள்ளன. மேலும், பூம் பூம் பாடல் ஆகஸ்ட் 2-ம் தேதி வெளியிடப்படுகிறது. அதன் டீசர் தற்போது வெளியிடப்பட்டுள்ளது.