சென்னை: புதுமுக இயக்குனர் முருகானந்தம் இயக்கத்தில், நடிகர் விஷ்ணு விஷால் நடிப்பில் உருவாகியுள்ள 'கதாநாயகன்' படத்தின் பர்ஸ்ட் லுக் இன்று வெளியிடப்பட்டுள்ளது.

மாவீரன் கிட்டு படத்திற்கு பிறகு நடிகர் விஷ்ணு விஷால் புதுமுக இயக்குனர் முருகானந்தம் இயக்கத்தில் நடிக்க ஒப்பந்தமானார். இப்படத்தில் அவருடன் கேத்தரீன் தெரசா, சூரி உள்ளிட்ட பலர் நடித்து வந்தார்கள். மேலும் நடிகர் விஜய் சேதுபதி இப்படத்தில் கவுரவ வேடம் ஒன்றில் நடித்துள்ளார். இப்படத்தை விஷ்ணு விஷாலே தயாரித்து வருகிறார் என்பது குறிப்பிடத்தக்கது.

சென்னையைச் சுற்றியுள்ள பகுதிகளில் நடைபெற்று வந்த இப்படத்தின் படப்பிடிப்பு சமீபத்தில் நிறைவடைந்தது. தற்பொழுது படத்தின் இறுதிகட்டப் பணிகள் விரைவாக நடைபெற்று வருகின்றன. இதனிடையே ஃபாக்ஸ் ஸ்டார் ஸ்டூடியோஸ் நிறுவனம் இப்படத்தின் வெளியீட்டு உரிமையை கைப்பற்றியுள்ளது.

இந்நிலையில் கதாநாயகன் படத்தின் 'பர்ஸ்ட் லுக்' போஸ்டரை நடிகர் தனுஷ் வெளியிட்டார்.