மகேஷ்பாபு நடிப்பில் உருவாகியுள்ள ஸ்பைடர் படத்தை ஏ.ஆர்.முருகதாஸ் இயக்கியுள்ளார். தெலுங்கு மற்றும் தமிழில் உருவாகியுள்ள இப்படத்தில் ரகுல் ப்ரீத் சிங், எஸ்.ஜே.சூர்யா, பரத், ஆர்.ஜே.பாலாஜி உள்ளிட்ட பலர் நடித்துள்ளார்கள். இப்படத்துக்கு ஹாரிஸ் ஜெயராஜ் இசையமைத்துள்ளார். சந்தோஷ் சிவன் ஒளிப்பதிவு செய்துள்ள படத்தை என்.வி.பிரசாத் மற்றும் தாகூர் மது தயாரித்துள்ளார்கள். 

நேற்று வெளியான இந்தப் படத்தின் ப்ரீமியர் ஷோ எனப்படும் சிறப்புக் காட்சி அமெரிக்காவில் செவ்வாய் அன்று நடைபெற்றது. அதில் மட்டுமே 1 மில்லியன் டாலர் வசூலித்து சாதனை படைத்துள்ளது. 

பாகுபலி படத்தின் இரு பாகங்கள் மற்றும் கைதிநெ.150 ஆகிய படங்களுக்குப் பிறகு அமெரிக்காவில் சிறப்புக் காட்சி மூலமாக மட்டும் 1 மில்லியன் டாலர் வசூலித்த தெலுங்குப் படம் என்கிற சாதனையை ஸ்பைடர் படம் பெற்றுள்ளது. மொத்தமாக  $ 1,005,630 அதாவது ரூ. 6.59 கோடி வசூலித்துள்ளது. பாகுபலி 2 படம் அமெரிக்காவில் முதல் நாளில் ரூ. 1.07 மில்லியன் டாலர் வசூலித்தது.