டிரீம் வாரியர் பிக்சர்ஸ் தயாரிப்பில் ஜோதிகா நடிப்பில் கெளதம் ராஜ் இயக்கியுள்ள படம் - ராட்சசி. இசை - ஷான் ரோல்டன். 

இந்நிலையில் கடந்த வெள்ளியன்று வெளியான ராட்சசி படம் வசூலில் சூப்பர் ஹிட் அந்தஸ்த்தை எட்டியுள்ளதாக அதன் தயாரிப்பாளர் எஸ்.ஆர். பிரபு ட்விட்டரில் கூறியுள்ளார். அவர் கூறியதாவது:

முதல் நாளில் கிடைத்த வசூலை விடவும் சனியன்று 40% அதிக வசூல் கிடைத்துள்ளது, இது, படம் சூப்பர் ஹிட் ஆனதை எடுத்துரைக்கிறது. ரசிகர்களை சந்தோஷப்படுத்த நாங்கள் எடுக்கும் முயற்சிகளுக்கு ஆதரவு அளிப்பவர்களுக்கு நன்றி என்று கூறியுள்ளார்.