நடிகர் சூரிக்கு மதுரையில் மூன்று உணவகங்கள்: கிளைகளைத் திறந்து வைத்த சிவகார்த்திகேயன் (படங்கள்)

பிரபலங்கள் உணவுத் தொழிலில் ஈடுபடுவது புதிதல்ல. நடிகர்கள், கிரிக்கெட் வீரர்கள் எனப் பலரும் சொந்தமாக உணவகங்களை வைத்துள்ளார்கள்.

இந்நிலையில் நடிகர் சூரி,  அம்மன் என்கிற உணவகத்தை மதுரையில் 2017-ல் தொடங்கினார். அந்த உணவகத்துக்கு மக்கள் அளித்த வரவேற்பினால் உற்சாகமாகி தற்போது அதே மதுரையில் இரு கிளைகளைத் தொடங்கியுள்ளார். மதுரை அவனியாபுரம் ஏர்போர்ட் பைபாஸ் சாலையில் அம்மன் - சைவ உணவகம், அய்யன் - அசைவ உணவகம் என இரு கிளைகளைத் தொடங்கியுள்ளார். இந்த இரு கிளைகளையும் சூரியின் நெருங்கிய நண்பரும் பிரபல நடிகருமான சிவகார்த்திகேயன் இன்று திறந்து வைத்துள்ளார்.