பிரபல பின்னணிப் பாடகி லதா மங்கேஷ்கருக்கு திங்கள்கிழமை திடீா் மூச்சுத்திணறல் ஏற்பட்டதை அடுத்து, மும்பையில் உள்ள பிரீச் கேண்டி மருத்துவமனையில் தீவிர சிகிச்சைப் பிரிவில் அனுமதிக்கப்பட்டார். 

லதா மங்கேஷ்கா், திங்கள்கிழமை பிற்பகல் 2 மணிக்கு மருத்துவமனைக்கு அழைத்து வரப்பட்டாா்; அவரது உடல்நிலை கவலைக்கிடமாக இருந்ததால், தீவிர சிகிச்சைப் பிரிவில் அனுமதிக்கப்பட்டார். அவருக்கு நோய்த்தொற்று காரணமாக உடல் நலக்குறைவு ஏற்பட்டது. 

இந்நிலையில் அவருடைய உடல் நிலையில் ஓரளவு முன்னேற்றம் ஏற்பட்டுள்ளது என மருத்துவமனை வட்டாரங்கள் கூறியுள்ளன. எனினும் தீவிர சிகிச்சைப் பிரிவில் தான் அவருக்குத் தொடர்ச்து சிகிச்சை அளிக்கப்படுகிறது. முழுமையாகக் குணமாக இன்னும் சில நாள்களாகும் என்றும் கூறப்பட்டுள்ளது. 

லதா மங்கேஷ்கா் கடந்த செப்டம்பா் 28-ஆம் தேதி தனது 90-ஆவது பிறந்த தினத்தைக் கொண்டாடினாா். இவா், தனது 70 ஆண்டு கால திரையுலக வாழ்வில் ஆயிரத்துக்கும் மேற்பட்ட ஹிந்தி திரைப்படங்களில் பாடல்களைப் பாடியுள்ளாா். இதுதவிர, தமிழ் உள்ளிட்ட பிராந்திய மொழிகளிலும், வெளிநாட்டு மொழிகளிலும் பாடியுள்ளாா். இவருக்கு மத்திய அரசு கடந்த 1989-இல் தாதாசாகேப் பால்கே விருது, 2001-ஆம் ஆண்டு பாரத ரத்னா விருது ஆகியவற்றை வழங்கி கௌரவித்துள்ளது.