தமிழ் சினிமாவின் மூத்த நடிகரும் நகைச்சுவைக் கலைஞருமான நடிகர் சார்லி, நடிப்புப் பயிற்சிப் பட்டறையில் பங்கேற்கவுள்ளார்.

தமிழ் ஸ்டூடியோ சார்பில் சென்னையில் நடைபெறவுள்ள நடிப்புப் பயிற்சிப் பட்டறையில் கலந்துகொண்டு உணர்தல், மனோநிலை பாகுபாடு, பாத்திரங்களுக்கு ஏற்ப உருமாறுதல், குரல் வெளிப்பாடு, உடல்மொழி வெளிப்பாடு, உடல் தோற்ற வெளிப்பாடு போன்ற தலைப்புகளில் பேசவுள்ளார் சார்லி. 

வரும் 20-ம் தேதி ஞாயிறு காலை 10 மணி இரவு 9 மணி வரை இந்த நிகழ்ச்சி நடைபெறவுள்ளது. இந்தப் பயிற்சிப் பட்டறையில் கலந்துகொள்ள ரூ. 2000 கட்டணம் (மதிய உணவுடன்) நிர்ணயிக்கப்பட்டுள்ளது.