சர்கார் படத்தையடுத்து ரஜினி நடித்துள்ள தர்பார் படத்தை ஏ.ஆர். முருகதாஸ் இயக்கியுள்ளார். இந்தப் படத்துக்கு ஒளிப்பதிவு - சந்தோஷ் சிவன். இசை - அனிருத். தயாரிப்பு - லைகா நிறுவனம். இது ரஜினியின் 167-வது படம்.

இந்நிலையில் நாளை வெளியாகவுள்ள தர்பார் படம் வெற்றியடைவதற்காக மதுரை திருப்பரங்குன்றம் சுப்பிரமணிய சுவாமி  கோவில் முன்பு அலகு குத்தியும் மண் சோறு சாப்பிட்டும் ரஜினி ரசிகர்கள் பிரார்த்தனை செய்துள்ளார்கள். இதன் விடியோ சமூகவலைத்தளங்களில் வெளியாகியுள்ளது.