ஜனவரி 16-ம்  நடிகர் விஜய் சேதுபதியின் பிறந்த நாள். மக்கள் செல்வன் என்று ரசிகர்களால் கொண்டாடப்பட்டு வரும் விஜய் சேதுபதி, பெயருக்கு ஏற்ற வகையில் மக்களிடம் நற்பெயர் பெற்ற நடிகர். வெளிப்படையான பேச்சால் ரசிகர்கள் பலரை ஈர்த்துள்ளார். அவரது பிறந்த நாளை முன்னிட்டு உடல் உறுப்பு தானம் நிகழ்ச்சி அண்மையில் திருச்சியில் நடந்தது.  இந்நிகழ்ச்சியை முன்னெடுத்து நடத்தியவர்கள் அவரது ரசிகர் நற்பணி இயக்க நிர்வாகிகள் என்பது குறிப்பிடத்தக்கது. 

இந்நிகழ்வில் 202 ரசிகர்கள் தங்கள் குடும்பத்தாரிடம் முன் அனுமதி பெற்றபின், விஜய் சேதுபதியின் திருச்சி ரசிகர் நற்பணி இயக்க அலுவலகத்தில் குழுமினர். அங்கு உடல் உறுப்புதான படிமத்தை பூர்த்தி செய்து, அரசு மருத்துவமனைக்கு உடல் உறுப்புதான பிரிவு அதிகாரியிடம் சமர்ப்பித்தனர்.

ஒரே நாளில் 202 ரசிகர்கள் உடல் உறுப்பு தானம் செய்தது அப்பகுதி மக்களின் கவனத்தை ஈர்த்தது. இதுபோன்ற செயல்களால் மேலும் பலர் உடல் உறுப்பு தானம் செய்ய முன்வருவார்கள். நல்லதொரு செயலுக்கு முன்மாதிரியாக விளங்கிய விஜய் சேதுபதி ரசிகர்களுக்கு தங்கள் வாழ்த்துகளைத் தெரிவித்தனர் மக்கள்.