ஏ.வி.எம். தயாரிப்பில் கே. பாக்யராஜ் இயக்கி நடித்த சூப்பர் ஹிட் படம் - முந்தானை முடிச்சு. 1983-ல் வெளியான இந்தப் படம் தமிழகமெங்கும் ஏராளமான திரையரங்குகளில் நூறு நாள்களைக் கடந்தது. பிறகு ஹிந்தி, தெலுங்கு, கன்னடம் ஆகிய மொழிகளில் ரீமேக் ஆனது.

கே. பாக்யராஜ், ஊர்வசி நடிப்பில் உருவான இந்தப் படத்துக்கு இசை - இளையராஜா.

இந்நிலையில் முந்தானை முடிச்சு படம் ரீமேக் செய்யப்படுகிறது.

கே. பாக்யராஜ் இயக்கத்தில் சசிகுமார் கதாநாயகனாக நடிக்கிறார். ஜே.எஸ்.பி. சதீஷ் இப்படத்தைத் தயாரிக்கிறார்.

இதுகுறித்து ஆரம்பக்கட்டத் தகவல்கள் தற்போது வெளிவந்துள்ளன. கதாநாயகி, இசையமைப்பாளர் உள்ளிட்ட மேலதிகத் தகவல்கள் விரைவில் வெளியாகும் என எதிர்பார்க்கப்படுகிறது.