விஜய் பிறந்த நாளுக்காக தயாரிப்பாளர் லலித்குமார் வெளியிட்ட போஸ்டர் ரசிகர்களின் வரவேற்பைப் பெற்றுள்ளது.

விஜய் நடித்து சமீபத்தில் வெளியான மாஸ்டர் படத்தின் இணை தயாரிப்பாளர் - லலித்குமார். இவருடைய தயாரிப்பு நிறுவனம் - செவன் ஸ்கிரீன் ஸ்டூடியோ.

வரும் ஜூன் 22 அன்று தனது 47-வது பிறந்த நாளைக் கொண்டாடுகிறார் விஜய். இதற்காக விஜய் நடித்த கதாபாத்திரங்களை இணைத்து ஓர் அட்டகாசமான போஸ்டரை வெளியிட்டுள்ளார் லலித்குமார். நெய்வேலியில் விஜய் எடுத்த செல்பி புகைப்படத்தை மையமாகக் கொண்டு இந்த போஸ்டர் உருவாக்கப்பட்டுள்ளது. நெய்வேலி விஜய் (செல்பி எடுப்பது போல) முன்னால் நிற்பது போலவும் அவருக்குப் பின்னால் விஜய் நடித்த கதாபாத்திரங்கள் ஒன்றாக நிற்பது போலவும் போஸ்டர் வடிவமைக்கப்பட்டுள்ளது.

விஜய் நடித்த பல படங்களின் கதாபாத்திரங்களை நினைவூட்டும் இந்த போஸ்டர் ரசிகர்களின் வரவேற்பைப் பெற்றுள்ளது. இதுவரை இந்த போஸ்டரை 12 ஆயிரம் பேர் ரீட்வீட் செய்துள்ளார்கள். 33 ஆயிரத்துக்கும் மேற்பட்டோர் லைக் செய்துள்ளார்கள்.