சிவா இயக்கத்தில் ரஜினிகாந்த் நடித்துள்ள அண்ணாத்த படத்தில் இருந்து எஸ்.பி.பியின் கடைசி பாடல் வெளியாகியுள்ளது.
சிவா இயக்கத்தில் ரஜினிகாந்த் நடித்துள்ள அண்ணாத்த படம் வருகிற தீபாவளியை முன்னிட்டு வெளியாகவுள்ளது. இந்தப் படத்துக்கு டி.இமான் இசையமைக்கிறார். சன் பிக்சர்ஸ் நிறுவனம் இந்தப் படத்தை பிரம்மாண்டமாக தயாரித்துள்ளது.
இந்தப் படத்தில் இருந்து முதல் பாடல் இன்று வெளியாகிறது. இந்தப் பாடலை மறைந்த பாடகர் எஸ்.பி.பாலசுப்ரமணியம் பாடியுள்ளார். எப்பொழுதும் ரஜினிக்கு முதல் பாடல் எஸ்.பி.பி தான் பாடுவார். தற்போது எஸ்.பி.பியின் கடைசி பாடலும் ரஜினியுடன் அமைந்துவிட்டது வேதனைக்குரிய விஷயம். இந்தப் பாடலை விவேகா எழுதியுள்ளார்.
அண்ணாத்த படத்தில் நயன்தாரா, கீர்த்தி சுரேஷ், குஷ்பு, மீனா, பிரகாஷ் ராஜ், சூரி, சதீஷ் உள்ளிட்டோர் முக்கிய வேடங்களில் நடித்துள்ளனர். இந்தப் படம் அண்ணன் தங்கை பாசத்தை அடிப்படையாக வைத்து இந்தப் படம் உருவாகியுள்ளது..