பவன் கல்யாண் நடிப்பில் உருவான ‘பீம்லா நாயக்’ டிரைலர் வெளியான சில நிமிடங்களில் புதிய சாதனையைப் படைத்துள்ளது.

மலையாளத்தில் பிரித்விராஜ், பிஜு மேனன் நடிப்பில் இயக்குநர் சஜி இயக்கத்தில் வெளியாகி பெரும் வெற்றிப் பெற்ற திரைப்படம் ‘அய்யப்பனும் கோஷியும்’.

அதிகாரத்திற்கும் , கடமைக்கும் இடையேயான இக்கதையில் அதிரடி காட்சிகள் அதிகம் பேசப்பட்டன.

இப்படத்தின் தெலுங்கு ரீமேக் உரிமையைப் பெற்றபின் நடிகர் பவன் கல்யாண், ராணா டக்குபதி நடிப்பில் சாகர் கே சந்திரா இயக்கத்தில் ’பீம்லா நாயக்’ பெயரில் இப்படம் உருவாகியிருக்கிறது.

தமன் இசையமைப்பில் சில மாதங்களுக்கு முன் இப்படத்தின் பாடல்கள் வெளியாகி ரசிகர்கள் மத்தியில் வரவேற்பைப் பெற்றது.

இந்நிலையில், நேற்று (பிப்.21) வெளியான இப்படத்தின் டிரைலர் முதல் 3 நிமிடங்களில் 1 லட்சம் விருப்பங்களைப் பெற்று புதிய சாதனையைப் படைத்துள்ளது.