மணிரத்னத்தின் பொன்னியின் செல்வன் படத்தின் டீசர் வெளியாகும் நாள் குறித்து தகவல் கிடைத்துள்ளது. 

இரண்டு பாகங்களாக உருவாகியுள்ள பொன்னியின் செல்வன்

இயக்குநர் மணிரத்னம் தற்போது பொன்னியின் செல்வன் படத்தை இரண்டு பாகங்களாக இயக்கியுள்ளார். இதில் முதல் பாகம் வருகின்ற செப்டம்பர் 30 ஆம் தேதி திரைக்குவரவிருக்கிறது. 

இந்தப் படத்திலிருந்து நடிகர்களின் தோற்றப் புகைப்படங்கள் ஒவ்வொன்றாக வெளியாகிவரும் நிலையில், இந்தப் படத்தின் டீசர் வெளியாகும் நாள் குறித்து தகவல் கிடைத்துள்ளது. 

இதையும் படிக்க | இரவின் நிழல் படத்தில் பார்வதியாக களமிறங்கும் சாய் பிரியங்கா

டீசர் எப்போது ?

இதன்படி இந்தப் படத்தின் டீசர் நாளை (ஜூலை 8) ஆம் தேதி மாலை வெளியாகவிருக்கிறது. டீசர் அறிமுக விழா சென்னையில் பிரம்மாண்டமாக நடைபெறவிருப்பதாக கூறப்படுகிறது. 

இந்தப் படம் தமிழ், தெலுங்கு, ஹிந்தி, கன்னடம், மலையாளம் உள்ளிட்ட மொழிகளில் வெளியாகவுள்ளது. ஏ.ஆர்.ரஹ்மான் இசையமைத்துள்ள இந்தப் படத்துக்கு ரவி வர்மன் ஒளிப்பதிவு செய்துள்ளார்.