இயக்குநர் ஷங்கரின் இளைய மகளான அதிதி கதாநாயகியாகத் தமிழ்த் திரையுலகில் அறிமுகமாகிறார். சூர்யா - ஜோதிகாவின் 2டி நிறுவனம் தயாரிக்கும் விருமன் என்கிற படத்தில் அறிமுகமாகிறார் அதிதி. இப்படத்தில் கதாநாயகனாக கார்த்தி நடிக்கிறார். இயக்கம் - முத்தையா.

யுவன் சங்கர் ராஜா இசையமைப்பில் உருவான பாடல்களில் முதல் பாடல் விரைவில் வெளியாகவுள்ளது. அப்பாடலின் விளம்பரக் காணொளி நாளை (ஞாயிறு) இரவு 7 மணிக்கு வெளியாகும் என அறிவிக்கப்பட்டுள்ளது.

தேன்மொழியின் சிறு பகுதியை நீங்கள் காண்பதில் ஆர்வமாக உள்ளேன் என அதிதி ஷங்கர், இப்பாடல் பற்றி ட்விட்டரில் தெரிவித்துள்ளார்.