இயக்குநர் சுதா கொங்கரா பிரபல தொழிலதிபர் ரத்தன் டாடாவின் வாழ்க்கை வரலாற்றை திரைப்படமாக்கும் முயற்சியில் இருப்பதாக தகவல் வெளியாகியுள்ளது.

சுதா கொங்கரா இயக்கத்தில் சூர்யா, மோகன் பாபு, ஊர்வசி, அபர்னா பாலமுரளி, கருணாஸ் காளி வெங்கட் உள்ளிட்டோர் நடிப்பில் 2020 நவம்பர் மாதம் நேரடியாக அமேசான் பிரைம் ஓடிடி தளத்தில் வெளியான படம் சூரரைப் போற்று. 

இதையும் படிக்க: ஏ.ஆர்.முருகதாஸ் இயக்கத்தில் நடிக்கும் சிம்பு

இந்தப் படம் விமர்சன ரீதியாக மாபெரும் வரவேற்பையும் தேசிய விருது உள்பட பல்வேறு விருதுகளையும் பெற்றது. 

அதனைத் தொடர்ந்து ஹிந்தியில் சூரரைப் போற்று படத்தை இயக்கி வரும் இயக்குநர் சுதா கொங்கரா மீண்டும் நடிகர் சூர்யாவை வைத்து திரைப்படம் இயக்குவதாக தெரிவித்திருந்த நிலையில், அப்படம் ரத்தன் டாடாவின் வாழ்க்கை வரலாற்றை தழுவி எடுக்கப்படும் என்று தகவல் வெளியாகியுள்ளது.