ஹிந்தி விக்ரம் வேதா படம் முதல்  வசூலில் தடுமாற்றம் அடைந்து வருகிறது.

விஜய் சேதுபதி, மாதவன் நடித்த விக்ரம் வேதா படம் 2017-ல் வெளியாகி நல்ல வரவேற்பைப் பெற்றது.

இந்தப் படம் தற்போது ஹிந்தியில் ரீமேக் செய்யப்பட்டுள்ளது. தமிழில் படத்தை இயக்கிய புஷ்கர் - காயத்ரி ஹிந்தியிலும் இயக்கியுள்ளார்கள். 

ஹிருதிக் ரோஷன், சயிஃப் அலி கான், ராதிகா ஆப்தே போன்றோர் நடித்துள்ளார்கள். செப்டம்பர் 30 அன்று இந்தப் படம் வெளியானது. 

விக்ரம் வேதா படத்தைப் பார்த்தவர்கள் நல்லவிதமாக விமர்சனம் செய்திருந்தாலும் இந்தியாவில் முதல் நாளன்று ரூ. 10.58 கோடி வசூலித்தது.  

இதையும் படிக்க: விவாகரத்து முடிவைக் கைவிடும் தனுஷ் - ஐஸ்வர்யா?

அதன்பின் விக்ரம் வேதா படத்தை வெளியிட்ட ரிலையன்ஸ் நிறுவனம் முதல் மூன்று நாள்களின் வசூலை வெளியிட்டது. அதில், 2-வது நாளன்று ரூ. 12.51 கோடி, 3-வது நாளன்று ரூ. 13.85 கோடி என மொத்தமாக முதல் மூன்று நாள்களில் விக்ரம் வேதா படத்துக்கு இந்தியாவில் ரூ. 36.94 கோடி வசூல் கிடைத்துள்ளதாகத் தெரிவித்திருந்தது.

இந்நிலையில், படம் வெளியான 5 நாள்களில் ரூ.50 கோடி வசூலை மட்டுமே எட்டியிருப்பதாக தகவல் வெளியாகியுள்ளது. சமீப காலமாக பாலிவுட் திரைப்படங்கள் வணிக ரீதியாக பெரிய பின்னடைவைச் சந்தித்து வருகின்றன. ஆனால், விக்ரம் வேதா திரைப்படம் விமர்சன ரீதியாக நல்ல வரவேற்பைப் பெற்றும் வசூலில் திணறி வருவதால் படக்குழுவினர் அதிர்ச்சியடைந்துள்ளனர்.