விஜய் சேதுபதி - விஷ்ணு விஷால் இணைந்து நடித்துள்ள 'இடம் பொருள் ஏவல்' டிரெய்லர் வெளியானது

சீனு ராமசாமி இயக்கத்தில் விஜய் சேதுபதி மற்றும் விஷ்ணு விஷால் இணைந்து நடித்துள்ள இடம் பொருல் ஏவல் பட டிரெய்லர் வெளியாகி நல்ல வரவேற்பை பெற்றுவருகிறது. 

சீனு ராமசாமி இயக்கத்தில் விஜய் சேதுபதி, விஷ்ணு விஷால் இணைந்து நடித்துள்ள படம் இடம் பொருள் ஏவல். திருப்பதி பிரதர்ஸ் நிறுவனத்தின் சார்பாக லிங்குசாமி இந்தப் படத்தை தயாரித்திருந்தார். கடந்த 2015 ஆம் ஆண்டே வெளியாக வேண்டிய இந்தப் படம் பொருளாதார சிக்கல்கள் காரணமாக வெளியாகாமல் இருந்தது. 

இந்த நிலையில் சென்னை உயர்நீதிமன்றம் அனுமதி வழங்கியதன் பேரில் இந்தப் படம் விரைவில் வெளியாகவுள்ளது. யுவன் ஷங்கர் ராஜா இசையில் வைரமுத்து முதன் முறையாக பாடல் எழுதியிருந்தார்.

இதையும் படிக்க | ஹிந்தி இயக்குநருடன் கைகோர்க்கும் சுந்தர்.சி

இந்த நிலையில் இப்படத்தின் டிரெய்லர் தற்போது வெளியாகியுள்ளது. இப்படத்தில் ஐஸ்வர்யா ராஜேஷ் மற்றும் நந்திதா கதாநாயகிகளாக நடித்துள்ளனர். விரைவில் இப்படத்தின் வெளியீட்டுத் தேதி வெளியாகும்