இயக்குநர் கார்த்திக் சுப்பராஜ் தயாரிப்பில் உருவாகியுள்ள பபூன் திரைப்படத்தின் டிரைலர் வெளியாகியுள்ளது. 

’மேயாத மான்’ திரைப்படத்தைத் தொடர்ந்து கார்த்திக் சுப்பராஜ் தயாரிப்பில் பபூன் திரைப்படத்தில் வைபவ் நடித்துள்ளார். இத்திரைப்படத்தில் வைபவ்வுக்கு ஜோடியாக ’நட்பே துணை’ நாயகி அனகா நடித்துள்ளார்.

இதையும் படிக்க | நான் விரும்பியது 18 வயதில் கிடைத்தது. ஆனால்...: ஆண்ட்ரியா உருக்கம்

மலையாள நடிகர் ஜோஜு ஜார்ஜ், ஆந்தங்குடி இளையராஜா, நரேன் உள்ளிட்ட பலர் இத்திரைப்படத்தில் நடித்துள்ளனர். 

அறிமுக இயக்குநர் அசோக் வீரப்பன் இயக்க,  தினேஷ் புருஷோத்தமன் ஒளிப்பதிவு செய்துள்ளார். புலனாய்வு பாணியில் உருவாகியுள்ள இத்திரைப்படத்திற்கு சந்தோஷ் நாராயணன் இசையமைத்துள்ளார்.

இப்படத்தின்  டீசர் வெளியாகி வரவேற்பைப் பெற்றிருந்த நிலையில் தற்போது டிரைலரும் வெளியாகியுள்ளது.