''இறங்கி செய்யலாம்னு தோணுது'' - ப்ளூ சட்டை மாறன் குறித்து கௌதம் மேனன் அதிரடி

வெந்து தணிந்தது காடு படத்துக்கு மாறன் அளித்துள்ள விமர்சனம் குறித்து கோபமாக பதிவு செய்துள்ளார். 

இயக்குநர் கௌதம் மேனன் இயக்கத்தில் சிம்பு நடித்துள்ள 'வெந்து தணிந்தது காடு' படம் கடந்த 18 ஆம் தேதி வெளியாகி கலவையான விமர்சனங்களைப் பெற்றுவருகிறது. படம் மெதுவாக நகர்வதாக ஒரு சிலர் கருத்து கூறி வருகின்றனர். 

அந்த வகையில் ப்ளூ சட்டை மாறன் 'வெந்து தணிந்தது காடு' படத்தைக் கடுமையாக விமர்சனம் செய்துள்ளார். இந்த நிலையில்  செய்தி தொலைக்காட்சி ஒன்றுக்கு பேட்டியளித்த கௌதம் மேனன் ப்ளூ சட்டை மாறன் மீதான தனது கோபத்தைப் பதிவுசெய்துள்ளார். 

இதையும் படிக்க | தனுஷின் 'கேப்டன் மில்லர்' - பிரியங்கா மோகனுக்கு பிறகு இணைந்த மற்றொரு கதாநாயகி

கௌதம் மேனன் பேசியதாவது, ''சொல்லக்கூடாதுனு நினைக்கிறேன். எனக்கு பயங்கர கடுப்பு. ஒரு படத்தை கலாய்த்து விமர்சனம் செய்வது, அவரது யூடியூப் பக்கத்தில் நிறைய பார்வையாளர்கள் பார்ப்பதற்கும், அதன் மூலம் அவருக்கு நிறைய விளம்பரங்கள் கிடைப்பதற்காகவும்தான். 

நீங்கள் விமர்சனம் பண்ணுங்கள். ஆனால் படத்தை கலாய்க்காமல் பண்ணுங்கள். அவருடைய திருச்சிற்றம்பலம் விமர்சனமே படத்தை முதல் 10 நிமிடங்கள் கழுவி ஊற்றுகிறார். நடுவில் ஒரு இடத்தில் படம் நன்றாக இருக்கிறது என்கிறார். அவர் மீது இறங்கி எதாவது செய்யலாமா என்ற அளவுக்கு கோபம் வருது'' என்று குறிப்பிட்டுள்ளார். இந்த விடியோ தற்போது சமூக வலைதளங்களில் வைரலாகி வருகிறது.