‘அர்ஜூன் ரெட்டி’ படத்தின் மூலம் புகழ் பெற்ற இயக்குநர் சந்தீப் ரெட்டி வங்கா இயக்கத்தில் உருவாகியுள்ளது அனிமல்.

பிரபல ஹிந்தி நடிகர் ரன்பீர் கபூர், ராஷ்மிகா நடித்துள்ள இந்தப் படத்திற்கு மத்திய தணிக்கை வாரியம்  ‘ஏ’ சான்றிதழ் அளித்துள்ளது. படத்தின் மொத்த நேரம் 3 மணி நேரம் 21 நிமிடங்கள். 

இதையும் படிக்க: தந்தையை கண்டடைதல்: அனிமல் - திரைவிமர்சனம்! 

அப்பாவுக்கும் மகனுக்கும் இடையேயான உறவைப் பேசும் கதையாக உருவாகியுள்ள இப்படத்தில், வன்முறைக் காட்சிகள் அதிகமாக இருப்பதாக ரசிகர்கள் தெரிவித்துள்ளனர். 

இதையும் படிக்க: திருமண உறவிலிருந்து வெளியேறுகிறேன்: நடிகை ஷீலா அறிவிப்பு!

இந்நிலையில், பிரபல தெலுங்கு நடிகர் நானி தனது எக்ஸ் பக்கத்தில், “அனிமல் சர்வதேச தரத்தில் உள்ளது. சந்தீப் வங்கா மேட் ஜீனியஸ். ரன்பீர், ராஷ்மிகா, மற்ற படக்குழுவினருக்கும் தலை வணங்குகிறேன்” எனப் பதிவிட்டுள்ளார். 

படம் முதல் நாளில் ரூ.116 கோடி வசூலித்து வசூல் சாதனை படைத்துள்ளது. நானியின் ஹாய் நான்னா படமும் தந்தையை மையமாக வைத்து உருவாக்கப்பட்டுள்ளது குறிப்பிடத்தக்கது. மேலும், இந்தப் படம் டிச.7ஆம் தேதி வெளியாக உள்ளது.