எதிர்நீச்சல் தொடரில் கில்லி பட நடிகை நடிக்கவுள்ளதாக தகவல் வெளியாகியுள்ளது.

சன் டிவியில் ஒளிபரப்பாகி வரும் தொடர்கள் எப்போதும் டிஆர்பியில் முன்னிலையில் இருக்கும்.  அதிலும்  எதிர்நீச்சல் தொடர் டாப் 10 இடங்களுக்குள் இருக்கும். நடிகர் மாரிமுத்துவுக்கு பிறகு, இத்தொடரின் விறுவிறுப்பு குறைந்து காணப்பட்டது.

ஆனால், தற்போது இத்தொடர் சூடுபிடிக்க தொடங்கியுள்ளது. மாரிமுத்துவுக்கு பிறகு அந்த கதாபாத்திரத்தில் நடிகர் வேல ராமமூர்த்தி நடித்துவருகிறார். 

இத்தொடரில் சத்யப்பிரியா, பிரியதர்ஷினி, ஹரிபிரியா, கனிகா, மதுமிதா, விபுராமன் உள்ளிட்டோர் முக்கிய கதாபாத்திரத்தில் நடிக்கிறார்கள்.

இதையும் படிக்க: 'அன்பே வா' சீரியல்! பிப்ரவரியில் முடிகிறதா? பிப்ரவரி வரை நீட்டிக்கப்படுகிறதா?

தற்போது கதையில் ஜனனி அப்பாவின் அண்ணன் மகன்கள் அறிமுகமாகி இருக்கிறார்கள். இந்த நிலையில், ஜனனி உடைய அப்பாவின் அம்மாவாக (அப்பத்தா) டி.கே. கலா நடிக்கவுள்ளதாக தகவல் வெளியாகியுள்ளது.

டி.கே. கலா விஜய்யின் கில்லி படத்தில் பிரகாஷ்ராஜின் அம்மாவாக நடித்திருந்தார். குருவி படத்தில் விஜய்யின் அம்மாவாக நடித்துள்ளார்.

இவர் நடிகை மட்டுமில்லாம் சிறந்த பாடகரும் கூட. இவர் தமிழ், தெலுங்கு, கன்னட மொழி திரைப்படங்களில் பலப் பாடல்களை பாடியுள்ளார். 

இதையும் படிக்க: 2023-ல் திருமண வாழ்க்கையில் நுழைந்த சின்னத்திரை நட்சத்திரங்கள்!

எதிர்நீச்சல் தொடரில், டி.கே. கலாவின் வருகை கதையில் பெரிய திருப்பத்தை ஏற்படுத்தும் என்பது ரசிகர்களின் எதிர்பார்ப்பாக உள்ளது.