நடிகர் அஜித் குமாரின் குடும்பப் புகைப்படங்களை அவரது மனைவி ஷாலினி இன்ஸ்டாகிராமில் பதிவிட்டுள்ளார்.

ஹெச்.வினோத் இயக்கத்தில் மூன்றாவது முறையாக நடிகர் அஜித் குமார் நடித்துள்ள துணிவு படத்தின் டிரைலர் வெளியாகி டிரெண்டில் இடம்பெற்றுள்ளது. இந்தப் படம் பொங்கல் விடுமுறையை முன்னிட்டு ஜனவரி 12ஆம் தேதி வெளியாகிறது.

நடிகர் அஜித்துக்கு டிவிட்டர், இன்ஸ்டாகிராம், முகநூல் போன்ற எந்த சமூக ஊடகங்களிலும் அதிகாரப்பூர்வ கணக்குகள் இல்லை. சமூக ஊடகங்களிலிருந்து அஜித் சற்று ஒதுங்கியே இருந்து வரும் நிலையில், அவரது மனைவியும், நடிகையுமான ஷாலினி சில நாள்களுக்கு முன்னதாகதான் இன்ஸ்டாகிராம் பக்கத்தில் இணைந்தார்.

இதையும் படிக்க | பிக் பாஸின் முதல் இறுதிப் போட்டியாளர் யார்? ‘டிக்கெட் டூ ஃபைனல்’ வாரம்

இந்நிலையில், புத்தாண்டை முன்னிட்டு கணவர் அஜித், குழந்தைகளுடன் இருக்கும் புகைப்படங்களை இன்ஸ்டாகிராமில் ஷாலினி வெளியிட்டுள்ளார்.

குடும்பத்துடன் புத்தாண்டு கொண்டாடிய புகைப்படங்கள் மற்றும் சமீபத்தில் ஐரோப்பிய நாடுகளுக்கு சுற்றுப்பயணம் சென்ற புகைப்படங்களை ஷாலினி வெளியிட்டுள்ள நிலையில், அஜித்தின் ரசிகர்கள் இணையத்தில் வேகமாக பகிர்ந்து வருகின்றனர்.