விஜய் ஆண்டனியின் கொலை: வெளியீட்டுத் தேதி அறிவிப்பு!

நடிகர் விஜய் ஆண்டனியின் கொலை படத்தின் வெளியீட்டுத் தேதி அறிவிக்கப்பட்டுள்ளது.

விஜய் ஆண்டனியின் பிச்சைக்காரன் 2 திரைப்படம் மே 19-ம் தேதி திரையரங்குகளில் வெளியாகி கலவையான விமரிசனங்களைப் பெற்றது.

இதைத்தொடர்ந்து விஜய் ஆண்டனி நடிப்பில் பாலாஜி குமார் இயக்கத்தில் உருவாகிருக்கும் தெலுங்கு திரைப்படம் 'ஹத்யா'. ரித்திகா சிங், மீனாட்சி செளவுத்ரி உள்பட பலர் நடித்துள்ள இப்படம் தமிழில் டப்பிங் செய்யப்பட்டு ‘கொலை’ என்ற பெயரில் வெளியாகிறது.

இதையும் படிக்க | இணையத்தில் வைரலாகும் அஜித்தின் புகைப்படம்!

இன்பினிட்டி பிலிம் வெஞ்சர்ஸ், லோட்டஸ் பிக்சர்ஸ் தயாரித்துள்ள இப்படத்துக்கு கிரீஷ் கோபாலகிருஷ்ணன் இசையமைத்துள்ளார்.

இந்நிலையில், கொலை படம் வருகின்ற ஜூலை 21-ஆம் தேதி திரையரங்குகளில் வெளியாகும் என்று படக்குழு அறிவித்துள்ளது.