இயக்குநர் பா. ரஞ்சித்தின் நீலம் புரொடக்ஷன்ஸ் தயாரிப்பில் ஜிவி பிரகாஷ் இசையமைத்து நடிக்கும் படத்தின் படப்பிடிப்பு சமீபத்தில் துவங்கியது.

நடிகர் ஜிவி பிரகாஷ் குமார், ஷிவானி ராஜசேகர் நடிக்கும் இப்படத்தை இயக்குநர் பா. ரஞ்சித்திடம் உதவி இயக்குநராக பணியாற்றிய அகிரன் மோசஸ் இயக்குகிறார்.

இப்படத்திற்கு ஒளிப்பதிவை ரூபேஷ் சாஜியும், படத்தொகுப்பை ஆர்.கே. செல்வாவும் கையாள்கிறார்கள்.

இந்நிலையில், சமீபத்தில் வெளியாகி வெற்றிகரமாக ஓடிக்கொண்டிருக்கும் மஞ்சும்மல் பாய்ஸ் படத்தின் நடிகர் ஸ்ரீநாத் பாஸி இப்படத்தில் இணைந்துள்ளார்.

சென்னை மற்றும் பாண்டிச்சேரியில் இப்படத்தின் படப்பிடிப்பு நடைபெற்று வருகிறது.