நஸ்லன், மமிதா பைஜு நடிப்பில் உருவாகியுள்ள திரைப்படம் பிரேமலு. தண்ணீர்மதன் தினங்கள், சூப்பர் சரண்யா படங்களை இயக்கிய கிரிஷ் ஏடி இந்தப் படத்தை இயக்கியுள்ளார்.

நகைச்சுவை கலந்த காதல் திரைப்படமாக உருவான பிரேமலு கடந்த பிப்.9 ஆம் தேதி திரையரங்குகளில் வெளியானது. இன்றைய கால கட்ட இளைஞர்களுக்கு நெருக்கமான கதைக்களத்தில் உருவான இப்படம் இதுவரை உலகளவில் ரூ.100 கோடிக்கும் அதிகமாக வசூலித்துள்ளதாகத் தகவல் வெளியாகியுள்ளது.

மலையாள சினிமாவில் வளர்ந்து வரும் நடிகர்களான நஸ்லன், மமிதாவின் நடிப்பும் பெரிய வரவேற்பைப் பெற்றுள்ளது.

நடிகர் ஃபகத் ஃபாசில், இயக்குநர் திலிஷ் போத்தன், திரைக்கதை எழுத்தாளர் ஷ்யாம் புஷ்கரன் தயாரிப்பில் இப்படம் உருவானது குறிப்பிடத்தக்கது.