ராஜ்கமல் தயாரிப்பில் நடிகர் கமல்ஹாசன் வரிகளில் நடிகை ஸ்ருதிஹாசன் இசையமைத்த ‘இனிமேல்’ பாடலில் ஸ்ருதிஹாசனுடன் இணைந்து இயக்குநர் லோகேஷ் கனகராஜ் நடித்திருந்தார்.

இந்த விடியோ நேற்று வெளியாகி ரசிகர்களிடம் கவனத்தை ஏற்படுத்தியுள்ளது.

இதன் வெளியீட்டு நிகழ்வில் கலந்துகொண்ட ஸ்ருதிஹாசனும் லோகேஷ் கனகராஜும் பத்திரிகையாளர்களைச் சந்தித்தனர்.

அப்போது, நடிகை ஸ்ருதிஹாசனிடம், “எப்போது உங்களுக்குக் கல்யாணம்”? எனக் கேள்வியெழுப்பட்டது.

அதற்கு சிரித்தபடியே, “தெரியவில்லை” என ஸ்ருதி பதிலளித்தார்.

நடிகை ஸ்ருதிஹாசன், சாந்தனு ஹசாரிகா என்பவரைக் காதலித்து வருவது குறிப்பிடத்தக்கது.