விஜய் 69-வது படத்தின் வெளிநாட்டு உரிமம் மிகப்பெரிய தொகைக்கு விற்பனையாகியுள்ளது.

விஜய் நடிப்பில் உருவாகும் 69-வது படத்தினை ஹெச். வினோத் இயக்குகிறார். இதுதான் விஜய்யின் கடைசி படம் என்பதால் எதிர்பார்ப்பு மிகுந்துள்ளது.

நடிகர்கள் பாபி தியோல், பூஜா ஹெக்டே, மமிதா பைஜூ, கௌதம் வாசுதேவ மேனன், நரேன், பிரியாமணி, பிரகாஷ் ராஜ் ஆகியோர் முக்கிய கதாபாத்திரங்களில் நடிக்கின்றனர்.

இதையும் படிக்க: முகுந்த் வரதராஜனை பிராமணராக ஏன் காட்டவில்லை? இயக்குநர் விளக்கம்!

படத்தின் முதல் கட்ட படப்பிடிப்பாக கேரள மாநிலம் பைய்யனூரில் விஜய் மற்றும் பூஜா ஹெக்டே நடனமாடும் பாடல் காட்சிகளை எடுத்தனர். அனிருத் இசையமைப்பில் உருவான இப்பாடல் குத்து பாடலாக உருவாகியுள்ளதாம்.

தற்போது, படத்தின் இரண்டாம் கட்ட படப்பிடிப்பு சென்னையில் துவங்கியுள்ளதாகத் தகவல்கள் தெரிவிக்கின்றன.

இந்த நிலையில், விஜய் - 69 படத்தின் வெளிநாட்டு வெளியீட்டிற்கான உரிமத்தை துபையைச் சேர்ந்த பார்ஸ் பிலிம்ஸ் நிறுவனம் ரூ. 75 கோடிக்கு வாங்கியுள்ளதாம். இதுவே, தமிழ் சினிமா வரலாற்றிலேயே அதிக விலை கொடுத்து வாங்கப்பட்ட திரைப்படம் எனக் கூறுகின்றனர்!