தெறி படத்தின் ரீமேக்கான பேபி ஜான் டீசர் ரசிகர்களிடம் வரவேற்பைப் பெற்றுள்ளது.

இயக்குநர் அட்லி தன் தயாரிப்பு நிறுவனமான ‘ஏ ஃபார் ஆப்பிள்’ மூலம் ஹிந்தியில் தெறி படத்தை ரீமேக் செய்துள்ளார்.

பேபி ஜான் எனப் பெயரிடப்பட்டுள்ள இப்படத்தில் நடிகர் வருண் தவான் நாயகனாகவும் நாயகிகளாக கீர்த்தி சுரேஷ், வாமிகா கேபி நடித்துள்ளனர். காளிஸ் இயக்கியுள்ளார்.

படத்தின் டீசர் சமீபத்தில் வெளியாகியிருந்தது. தெறி படத்தைவிட பிரம்மாண்டமாக உருவாகியுள்ளது.

முக்கியமாக, எடிட்டிங்கில் ஆக்சன் காட்சிகள் பரபரப்பாக இணைக்கப்பட்டுள்ளது ரசிகர்களிடம் எதிர்பார்ப்பை அதிகரித்துள்ளது. இந்தப் படம் வருகிற டிசம்பர் 25 ஆம் தேதி திரைக்கு வருகிறது.

இந்த நிலையில் படத்தின் முதல் பாடலின் புரோமோ இன்று வெளியாகியுள்ளது. நவ.25ஆம் தேதி முழுமையான பாடல் வெளியாகவுள்ளது.

இசையமைப்பாளர் தமன் இந்தப் படத்துக்கு இசையமைத்துள்ளார்.