விண்ணைத்தாண்டி வருவாயா திரைப்படம் மறுவெளியீட்டில் சாதனை புரிந்துள்ளது.

கௌதம் வாசுதேவ் மேனன் இயக்கத்தில் சிம்பு, திரிஷா நடிப்பில் மிகப்பெரிய வெற்றியைப் பதிவு செய்த திரைப்படம் விண்ணைத்தாண்டி வருவாயா. ஏ. ஆர். ரஹ்மானின் இசையமைப்பில் உருவான சிறந்த ஆல்பங்களில் ஒன்றாகவும் கருதப்படுகிறது.

2010 ஆம் ஆண்டு வெளியான இப்படம் இன்றும் காதலர்களின் விருப்பப் படமாகவே நீடிக்கிறது. திரைக்கு வந்த 14 ஆண்டுகளில் ஒவ்வொரு காதலர் நாளன்றும் சிறப்பு திரையிடலைக் கண்டு வருகிறது.

முக்கியமாக, சென்னை பிவிஆர் விஆர் (pvr vr mall) திரையில் மறுவெளியீட்டில் இப்படம் இன்றுடன் 1000-வது நாளைக் கொண்டாடுகிறது.

இந்த விஆர் திரையில் மட்டும் கடந்த 142 வாரங்களாக (2.75 ஆண்டு) இப்படம் ஒரு காட்சியாவது திரையிடப்பட்டு வருகிறது.

இதையும் படிக்க: மனசாட்சி என்றால் என்ன? பிக் பாஸ் நிகழ்ச்சியில் வெடித்த சர்ச்சை!

இதுவரை, எத்தனையோ திரைப்படங்கள் மறுவெளியீட்டைக் கண்டாலும் இந்தியளவில் மறுவெளியீட்டில் அதிக நாள்களைக் கடந்த திரைப்படம் என்கிற சாதனையை பெற்றுள்ளது விண்ணைத்தாண்டி வருவாயா!