நடிகர் அஜித் குமாரும் இசையமைப்பாளர் யுவன் சங்கர் ராஜாவும் சந்தித்துக்கொண்டனர்.

நடிகர் அஜித் குமார் குட் பேட் அக்லி திரைப்படத்தை முடித்துவிட்டு கார் பந்தயங்களில் கவனம் செலுத்தி வருகிறார். இனி வருடத்தில் ஆறு மாதம் நடிப்பிற்கும் ஆறு மாதம் கார் பந்தயத்திற்கும் செலவிட முடிவு செய்துள்ளார்.

தற்போது, அஜித்தின் அடுத்தபடத்தை இயக்குநர் ஆதிக் ரவிச்சந்திரன் இயக்க உள்ளதாகத் தகவல்கள் தெரிவிக்கின்றன.

இந்த நிலையில், அஜித்தும் இசையமைப்பாளர் யுவன் சங்கர் ராஜாவும் நேரில் சந்தித்துக்கொண்டனர். நடிகர் அஜித்தின் பில்லா, மங்காத்தா உள்ளிட்ட பல வெற்றிப் படங்களுக்கு இசையமைத்தவர் யுவன்.

இறுதியாக, நேர்கொண்ட பார்வை படத்துக்கு யுவன் இசையமைத்திருந்தார். அதன்பின் இக்கூட்டணி இணையவில்லை.

தற்போது, இருவரும் மீண்டும் சந்தித்துக்கொண்டது ரசிகர்களிடம் உற்சாகத்தை ஏற்படுத்தியுள்ளது.

இதையும் படிக்க: அடுத்தடுத்து வரும் கூலி, சூர்யா - 45, ஜன நாயகன் அப்டேட்கள்!