பவன் கல்யாணின் புதிய படத்தின் வெளியீட்டுத் தேதி அறிவிப்பு!

ஆந்திரப் பிரதேசத்தின் துணை முதல்வரும், பிரபல நடிகருமான பவன் கல்யாணின் ”ஹரி ஹர வீர மல்லு” எனும் புதிய திரைப்படத்தின் வெளியீட்டுத் தேதியைப் படக்குழு அறிவித்துள்ளது.

நடிகர் பவன் கல்யாணின் நடிப்பில், இயக்குநர்கள் கரிஷ் ஜகார்லாமுடி மற்றும் ஏ. எம். ஜோதி கிருஷ்ணா ஆகியோர் இணைந்து இயக்கியுள்ள, இந்தத் திரைப்படத்தின் படப்பிடிப்பு கடந்த 5 ஆண்டுகளுக்கும் மேலாக நடைபெற்று வந்தது.

இதனைத் தொடர்ந்து, ஜூன் 12 ஆம் தேதி திரையரங்குகளில் வெளியாகும் என அறிவிக்கப்பட்ட நிலையில், சில முக்கிய காரணங்களால், அதன் வெளியீடு ஒத்திவைக்கப்பட்டது.

இந்நிலையில், வரலாற்று கதைக்களத்துடன் உருவாகியுள்ள இந்தப் படம் வரும் ஜூலை 24 ஆம் தேதியன்று திரையரங்குகளில் வெளியாகும் எனப் படக்குழு அதிகாரப்பூர்வமாக அறிவித்துள்ளது.

இத்துடன், ஹரி ஹர வீர மல்லு திரைப்படத்துக்கு ஆஸ்கார் விருது வென்ற எம்.எம். கீரவாணி இசையமைத்துள்ளது குறிப்பிடத்தக்கது.

இதையும் படிக்க: மோகன்லாலின் ஊட்டி பங்களாவின் ஒரு நாள் வாடகை இவ்வளவா?