கூலி டீசர் அப்டேட்!

ரஜினிகாந்த் நடிப்பில் உருவாகும் கூலி படத்தின் டீசர் குறித்து தகவல் வெளியாகியுள்ளது.

சன் பிக்சர்ஸ் தயாரிப்பில் நடிகர் ரஜினிகாந்த்தின் 171-வது படமாக கூலி உருவாகிறது. இப்படத்தை இயக்குநர் லோகேஷ் கனகராஜ் இயக்கி வருகிறார்.

படத்தின் படப்பிடிப்பு சென்னை விமான நிலையத்தில் அண்மையில் நடைபெற்றது. அடுத்தக்கட்ட படப்பிடிப்பு ஹைதராபாத்தில் துவங்குகிறது.

இதையும் படிக்க: மீண்டும் படப்பிடிப்பில் இணைந்த சிவராஜ்குமார்!

மேலும், இப்படத்தில் இடம்பெற்ற குத்து பாடல் ஒன்றிற்கு நடிகை பூஜா ஹெக்டே சிறப்பு நடனமாடியுள்ளார்.

இந்த நிலையில், கூலி திரைப்படத்தை மே மாதம் வெளியிட தயாரிப்பு நிறுவனம் முடிவு செய்துள்ளதாகவும் அதற்கு முன் மார்ச் 14 ஆம் தேதி படத்தின் டீசர் வெளியாகலாம் என்றும் தகவல்கள் தெரிவிக்கின்றன.