பதற்றம்

காவிரி நதிநீா் குறித்து கா்நாடக மாநிலத்துடன் பேச்சுவாா்த்தை நடத்துவது என்பது ஒரு நாடகமாகத்தான் முடியும் என்பதை சட்டத்துறை அமைச்சா் ரகுபதி சூசகமாகக் கூறியிருபது சரியே. இரு மாநில பிரதிநிதிகளும் பேச்சுவாா்த்தையில் ஈடுபடும்போதெல்லாம் அந்தந்த மாநில விவசாயிகளின் நலன், குடிநீா் தேவை ஆகியவை முன்னிலைப்படுத்தப்படுகிறது. இதனால், இரு மாநிலத்திலும் உணா்ச்சியுடன் கூடிய பதற்றம் ஏற்படுகிறது. இதுவே பல ஆண்டுகளாக வரலாறு சொல்லும் செய்தி. உச்சநீதிமன்றம் தனது தீா்ப்பில் கூறியபடி, காவிரி நதிநீா் ஆணையம், ஒழுங்காற்று குழு ஆகியவை பாரபட்சமற்று நடுநிலையுடன் வழிகாட்டுகிறனறன. அவற்றின் உத்தரவுகளை கா்நாடக அரசு பொருட்படுத்துவதில்லை. எனவே, பேச்சுவாா்த்தை பயனில்லை என்பதைத்தான் அமைச்சா் இவ்வாறு குறிப்பிட்டுள்ளாா். எனவே அவா் கூறியிருப்பது சரியே.

ஏ.பி. மதிவாணன், பல்லாவரம்.

பிடிவாதம்

காவிரி நீா் பிரச்சனையில் கா்நாடக அரசு காவிரி ஆணையம் உத்தரவிட்டாலும் கேட்பது இல்லை. மத்திய அரசு சொன்னாலும் கேட்பது இல்லை. அதனால்தான் தமிழக அரசு, சட்டப்பேரவையில் காவிரி நீா் பங்கீடு சம்பந்தமாக தீா்மானம் நிறைவேற்றியுள்ளது. காவிரி நதி நீா் பிரச்னையில் கா்நாடக அரசு முரண்டு பிடிப்பதால் பேச்சுவாா்த்தை பயன்தராது என்பதை கருத்தில் கொண்டுதான் அமைச்சா் அவ்வாறு கூறி உள்ளாா். நியாயத்திற்குக் கட்டுப்படாத கா்நாடக அரசின் முரட்டுப் பிடிவாதத்தை மத்திய அரசுதான் கண்டிக்க வேண்டும். தமிழகம் போராடித்தான் தன் உரிமையை நிலை நாட்ட முடியும். பேச்சுவாா்த்தை பயன் தராது என்கிற அமைச்சரின் கூற்று சரியே.

ந. சண்முகம், திருவண்ணாமலை.

கேள்விக்குறி

ஒரு மாநிலம் ஆண்டுதோறும் காவிரி நீருக்காக அண்டை மாநிலத்துடன் போராட்டம் நடத்திக்கொண்டே இருப்பது தேசிய ஒருமைப்பாட்டையே கேள்விக்குறி ஆக்குகிறது. நதிநீா் ஆணைய உத்தரவையும், உச்சநீதிமன்றத் தீா்ப்பையும் உதாசீனப்படுத்தும் கா்நாடக அரசோடு பேச்சுவாா்த்தை நடத்துவதில் பயனில்லை என்பது தெரிந்ததே. எனவே, தமிழக அரசு மத்திய அரசிடம் முறையிட்டு, போா்க்கால அடிப்படையில் காவிரி நீா் பெற முயற்சி செய்ய வேண்டும். அதனைச் செய்யாமல் தமிழக அரசு மெத்தனமாக இருப்பதேன்? கூட்டணி அரசியலுக்காக வடு கிடக்கும் மேட்டூா் அணையையும், பயிா் கருகிக் கொண்டிருக்கும் டெல்டா நிலங்களையும் கண்டு கொள்ளாமல் இருப்பது வாக்களித்தவா்களை வஞ்சிப்பதாகும். விவசாயிகளின் வாழ்வாதார பிரச்னை என்பதால் மனிதாபிமான அடிப்படையில் மத்திய - மாநில அரசுகள் உடனடி தீா்வு காண்பதுதான் அறமாகும்.

அ. யாழினி பா்வதம், சென்னை.

சரியானதே

உச்சநீதிமன்றத் தீா்ப்பு, நடுவா் மன்ற அறிவுறுத்தல் எதையும் மதிக்காத கா்நாடக அரசுடன் தமிழக அரசு மீண்டும் பேச்சுவாா்த்தை நடத்தினால், காலம் கடத்தி தண்ணீா் இல்லை என்ற பதிலையே தரும். நிச்சயமாக அணைகளில் இருந்து நீரைத் திறந்துவிடாது. எனவே அது கா்நாடகத்திற்கே சாதகமாக இருக்கும் என்ற அமைச்சா் ரகுபதியின் கூற்று சரியானதே. கா்நாடக அணைகளின் மொத்த கொள்ளளவில் 80 % அளவுக்கு நீா் உள்ளது. ஆனால் அம்மாநில அரசியல் கட்சியினரும், அங்குள்ள சில அமைப்பினரும் அணையைத் திறந்து விட எதிா்ப்பு தெரிவிக்கின்றனா். எனவே சட்டப் போராட்டத்தைத் தவிர பேச்சுவாா்த்தையால் எந்தப் பலனும் இல்லை என்பதை உணா்ந்துதான் அமைச்சா் பேசியுள்ளாா். அண்டை மாநிலமான தமிழகத்திற்கு தண்ணீா் தர வேண்டும் என்ற மனநிலை இதுவரை இருந்த முதல்வா்களுக்கும் இல்லை; இப்போது இருப்பவருக்கும் இல்லை. பேச்சுவாா்த்தை என்பது கால விரயம் என்பதே நிதா்சனமானகும்.

உ. இராசமாணிக்கம், கடலூா்.

ஒற்றுமை

தமிழக சட்டத்துறை அமைச்சா் கூறியுள்ளது சரியே. உச்சநீதிமன்றமும், காவிரி நதிநீா் ஆணையமும் பிறப்பித்த உத்தரவுகளையே மதிக்காத கா்நாடக அரசு, பேச்சுவாா்த்தை முடிவுகளையா மதிக்கப்போகிறது? கா்நாடகத்தில், அனைத்து அரசியல்வாதிகளும் தமிழகத்திற்கு காவிரி நீா் தரக்கூடாது என்று ஒற்றுமையாகச் செயல்படுகிறாா்கள். தங்கள் கட்சி வேறுபாடுகளை மறந்து ஒன்றுபடுகிறாா்கள். காங்கிரஸ் கட்சியுடன் தோ்தல் கூட்டணியில் இருக்கும் தமிழக ஆளுங்கட்சியான தி.மு.க., கா்நாடக மாநில ஆளுங்கட்சியான காங்கிரஸ் மீது புகாா் கூறத் தயங்குகிறது. மத்திய அரசும் அவ்வப்போது அறிக்கை வெளியிடுவதோடு சரி. தமிழக விவசாயிகள் குறித்து யாருக்கும் அக்கறை இல்லை. வாக்குவங்கி அரசியலால் தமிழக விவசாயிகள் பாதிக்கப்பட்டுள்ளாா்கள். தேசிய அரசியல் கட்சிகளின் தமிழகத் தலைவா்கள் இதனை வெளிநாட்டு பிரச்னை போல் பாா்க்கிறாா்கள். டெல்டா பகுதியில் குறுவை பயிா் காய்ந்து, சம்பாவும் கேள்விக்குறியானதுதான் மிச்சம்.

பி.கே. ஜீவன், கும்பகோணம்.

பயனில்லை

கா்நாடகம் உச்சநீதிமன்றத்தின் தீா்ப்பை ஏற்க மறுத்துள்ளது. மேலும், காவிரி நதிநீரை தமிழ்நாட்டுக்கு வழங்காமல் இருப்பதற்கு பல்வேறு நடவடிக்கைகளையும் மேற்கொண்டு வருகிறது. எனவே, கா்நாடகத்துடன் பேச்சுவாா்த்தை நடத்துவதால் தமிழகத்திற்குப் பயனில்லை என்பதே அமைச்சா் கருத்து. அப்படியே கா்நாடகத்துடன் பேச்சுவாா்த்தை நடத்தினாலும் தமிழ்நாடு காவிரி நீரில் தனது பங்கை முழுமையாகப் பெற முடியுமா என்பது கேள்விக்குறியே. இருப்பினும், கா்நாடகத்துடன் பேச்சுவாா்த்தை நடத்துவதைத் தவிா்த்தால், காவிரி பிரச்னைக்கு நிரந்தர தீா்வு கிடைக்காது என்பதையும் கவனத்தில் கொள்ள வேண்டும். எனவே, இரு மாநில அரசுகளும் நடுநிலையாக இருந்து பேச்சுவாா்த்தை நடத்தினால், காவிரி நீா் பிரச்னைக்கு ஒரு நல்ல தீா்வு காண முடியும்.

கோ. கிருஷ்ணமூா்த்தி, திருப்பத்தூா்.

கண்டிக்கத்தக்கது

நீராதாரத்தை அனைவா்க்கும் பொதுவாக்கியே நமது முன்னோா் நாட்டை மாநிலங்களாகப் பிரித்தனா். பெரும ழை பொழியும்போது தன் மாநிலத்தைக் காக்க அணை நீரைத் திறந்து விட்டு தமிழ்நாட்டிற்குப் பெருவெள்ளச் சேதத்தை ஏற்படுத்தும் கருநாடகம். வறட்சி காலத்தில் குடிநீருக்கும் விவசாயத்திற்கும் காவிரி நீரைத் தந்து வறட்சி போக்க தமிழகம் வேண்டினால் கேளாச் செவியராகி நீா் தர மறுக்கும் கருநாட கத்தின் இறுமாந்த நிலை கண்டிக்கத்தக்கது. மத்திய அரசு நீராதாரங்களை தேசியமயமாக்கினால் மட்டுமே காவிரி நீா் பங்கீட்டு பிரச்னைக்கு நிரந்தரத் தீா்வு ஏற்பட வாய்ப்புண்டு. ஆனால், நயமாகப் பேசி கருநாடகத்திடம் தண்ணீா் பெற முயற்சி செய்வதற்கு முன்பே தமிழ்நாடு சட்டத்துறை அமைச்சா் காவிரி நீா் பிரச்னையில் கா்நாடகத்துடன் பேச்சுவாா்த்தை நடத்துவது கருநாடகத்திற்கே சாதகமாக அமையும் என நம்பிக்கையற்றுப் பேசியுள்ளது ஏற்புடையதல்ல.

எஸ். ஸ்ரீகுமாா், கல்பாக்கம்.

வழக்கம்

பேச்சுவாா்த்தை என்பது பிரச்னையை நீண்ட நாட்களுக்கு இழுத்தடிப்பதற்கான வழியாகும். அதிக மழை பொழிந்து வெள்ளம் ஏற்படும் காலங்களில் அணையை திறந்து உபரி நீரை தமிழகத்திற்கு வெளியேற்றுவதுதான் கா்நாடகத்தின் வழக்கம். வறட்சியான காலங்களில் தமிழகம் நீதிமன்ற தீா்ப்பைச் சுட்டிக்காட்டித் தண்ணீா் திறந்து விடக் கோரி கா்நாடக அரசிடம் மன்றாடுவது வழக்கம். மத்தியிலும் மாநிலத்திலும் காங்கிரஸ் கட்சி ஆட்சியில் இருந்தபோதும் இதற்கு தீா்வு காணப்படவில்லை. காவிரி ஒழுங்காற்றுக் குழு சொல்வதைக் கேளுங்கள் என்று உச்சநீதிமன்றம் கூறிய பிறகும் தண்ணீா் தர முடியாது என்று அடம்பிடிக்கிறது கா்நாடக அரசு. இதனால்தான் சட்டத்துறை அமைச்சா், பேச்சுவாா்த்தை நடத்துவது பிரச்னையை முதலில் இருந்து தொடங்குவதற்கு சமம் என்று கூறியுள்ளாா். தனது கூட்டணிக் கட்சியான காங்கிரஸிடம் பேசி தமிழகத்திற்கு வரவேண்டிய நீரைப் பெற திமுக முயல வேண்டும்.

என்.வி. சீனிவாசன், பெருங்களத்தூா்.

தீா்வு

காவிரி நதிநீா் பங்கீட்டு பிரச்னையில் ஆயிரம் முறை பேச்சுவாா்த்தை தோல்வி அடைந்தாலும், தமிழக விவசாயிகள் நலன்கருதி ஆயிரத்து ஓராவது முறையும் பேசித்தான் ஆக வேண்டும். கா்நாடக அரசு சட்டத்தை மதிக்காது நடந்து கொள்ளும்போது அது ஒன்றுதான் தீா்வாகத் தெரிகிறது. தமிழக டெல்டா விவசாயிகளின் உரிமையை நிலைநிறுத்த சட்டப் போராட்டம் ஒருபக்கம் நடக்கட்டும். தீா்ப்பு வருவதற்குள் பயிா் காய்ந்து விடக் கூடாது. தீா்ப்பே நமக்கு சாதகமாக வந்தாலும் கா்நாடகம் உரிய காலத்தில் அணைகளைத் திறந்து விட வேண்டும் அல்லவா? கூட்டணிக் கட்சியிடம் பேசி காவிரிநீா் பெறும் சாதுரியம் இல்லையென்றால், இவா்கள் ஒன்றாய்ச் சோ்ந்து என்ன பயன்? தமிழக விவசாயிகளின் வாழ்வாதாரம் கேள்விக்குறியாகி வருவதைக் கருத்தில் கொண்டு தமிழக அரசு விரைந்து செயல்பட்டு தமிழகத்திற்கு உரிய நீரைப் பெற வேண்டும்.

முகதி. சுபா, திருநெல்வேலி.

முன்னேற்றமில்லை

காவிரி நீா் பிரச்சனையை சுமுகமாக கையாள காவிரி மேலாண்மை ஆணையத்தை மத்திய அரசு உருவாக்கியது. நீா் பங்கீடு, ஆய்வுகள் மேற்கொள்வது, அணைகள் திறப்பது முதலான அனைத்து முடிவுகளுக்குமான அதிகாரம் ஆணையத்திற்கு உண்டு என்பதை உச்சநீதிமன்றமும் உறுதி செய்தது. தொடக்கத்தில், ஆணயத்தின் தலைமையகம் பெங்களூரில் இருந்தது. கூட்ட முடிவுகள் வெளியாகும்போது கா்நாடக மக்கள் போராட்டத்தில் ஈடுபட்டதால் தலைமையகம் புதுதில்லிக்கு மாற்றப்பட்டது. அங்கு எண்ணற்ற ஒப்பந்தங்களும், அரசாணைகளும் ஆணையத்தின் மூலம் போடப்பட்டன. தீா்ப்புகள், மேல்முறையீடுகளின் மீது முடிவுகள் எடுக்கப்பட்டன. ஆயினும் இப்பிரச்னையில் உருப்படியான முன்னேற்றம் எதுவுமில்லை. 1807 முதல் கடந்த 216 ஆண்டுகளாக பிரச்சனை இழுபறியாக உள்ளது. எந்த உத்தரவுக்கும் கட்டுப்படாமல் மத்திய அரசையும், ஆணையத்தையும் அலட்சியப்படுத்தி வரும் கா்நாடகத்துடன் காவிரி நீா் பிரச்சனையில் பேச்சுவாா்த்தை நடத்துவது கா்நாடகத்திற்குதான் சாதகமாக அமையும் என்கிற அமைச்சரின் கூற்று மிகச்சரியே!

அரிமதி இளம்பரிதி, புதுச்சேரி.

உண்மையே

எந்தத் தீா்ப்பையும் மதிக்காமல் தமிழகத்திற்கு தண்ணீா் தர மறுக்கும் கா்நாடகத்திடம் பேச்சுவாா்த்தை நடத்தி நாம் தண்ணீா் பெறமுடியாது என்று சட்டத்துறை அமைச்சா் கூறியிருப்பது உண்மையே. இரு மாநிலங்களுக்கிடையே காவிரி நதி நீா் ஒப்பந்தம் செய்துகொண்ட காலத்தை விட இன்று மக்கள்தொகையும் தண்ணீா் தேவையும் பன்மடங்கு அதிகம். இரு மாநிலங்களிலும் சிறுதொழில் மற்றும் வியாபார பெருநிறுவனங்களும் மிக அதிகம். மழையும் பருவம் தவறிப் பொழிகிறது. அளவும் முன்பை விடக் குறைவு. கா்நாடக அரசு சொல்லும் காரணங்கள் முழுவதும் பொய்யானவையல்ல. நமது தேவை அதிகரித்துவிட்டது. இருமாநிலத் தேவைகளையும் நிறைவு செய்யும் விதமாக ஒரு விரிவான மாற்றுத் திட்டம் ஏற்படுத்தினாலன்றி காவிரி நீா் பிரச்னைக்கு நிரந்தரத் தீா்வு ஏற்படாது. காவிரி நீரின் உரிமையைப் பெறுவதோடு, நமக்கு உபரி நீா் வரும்பொழுதுஅதை வீணாக்காமல் தேக்கி வைத்துக் கொள்ளத் தமிழகம் உரிய நடவடிக்கைகளை மேற்கொள்ள வேண்டும். நாட்டிலுள்ள நதிகள் அனைத்தையும் தேசிய மயமாக்குவது மட்டுமே இப்பிரச்னைக்கு நிரந்தரத் தீா்வு. உலக நாடுகளுக்கு இடையே உருவாகும் பிரச்னைகளை தீா்க்க வையத் தலைமை ஏற்கும் அரசு சொந்த நாட்டின் மாநிலங்களுக்கு இடையே உள்ள பிரச்னைகளைத் தீா்ப்பதிலும் கவனம் செலுத்த வேண்டும்.

தி. சேகா், பீா்க்கன்கரணை.

வாக்குவங்கி

காவிரி நீா் பிரச்னை தொடா்பாக, காவிரி நதிநீா் ஆணையமும், உச்சநீதிமன்றமும், காவிரி ஒழுங்காற்று குழுவும் கா்நாடக அரசுக்கு பல்வேறு உத்தரவுகளையும், அறிவுரைகளையும் வழங்கியுள்ளன. அவற்றைப் பின்பற்ற வேண்டியது கா்நாடக அரசின் கடமை. ஆனால், வாக்குவங்கி அரசியலை கருத்தில் கொண்டு அம்மாநில அரசு பேச்சுவாா்த்தை நடத்த வேண்டும் என்று கூறுவது எவ்வகையிலும் ஏற்கத்தக்கதல்ல. இது பிரச்னையின் வீரியத்தையே மடைமாற்றுவதாக அமைந்துவிடும். பேச்சுவாா்த்தை என்றாலே பிரச்னைகளைத் தள்ளிப்போடுவது என்றுதான் அா்த்தம். இது பிரச்னையைத் தீா்ப்பதற்கான வழியல்ல. ஆகவே, தமிழக விவசாயிகளின் துன்பங்களையும் துயரங்களையும் உணா்ந்து மாநில அரசு கா்நாடகத்திடம் நமக்கு உரிமையுள்ள நீரைப் பெற அழுத்தம் கொடுக்க வேண்டும். மத்திய அரசும் கா்நாடக மாநில அரசுக்கு அறிவுரை வழங்க வேண்டும். அதனை அம்மாநில அரசு ஏற்று தமிழகத்திற்கு தண்ணீா் திறந்து விடுவதே சாலச்சிறந்தது. இப்பிரச்னை தொடா்பாக மேலும் பேசுவதற்கு எதுவுமில்லை.

கா. தா்மேந்திரா, பட்டுக்கோட்டை.