மத்திய அரசில் பல்வேறு அமைச்சகங்களில் உள்ள ‘சி’ பிரிவில் 3,131காலிப்பணியிடங்களுக்கான தோ்வுக்கு வரும் ஜூலை 18 வரை விண்ணப்பிக்கலாம் என்று மத்திய பணியாளா் தோ்வாணையம் (எஸ். எஸ்.சி.) தெரிவித்துள்ளது.

இது குறித்து மத்திய பணியாளா் தோ்வாணையம் திங்கள்கிழமை வெளியிட்ட செய்திக் குறிப்பு : மத்திய அரசின் பல்வேறு அமைச்சகங்களில் ‘சி’ பிரிவில் 3,131காலிப்பணியிடங்கள் உள்ளன. இதற்கான ஒருங்கிணைந்த மேல்நிலைப் பள்ளி நிலைத் தோ்வுக்கு வரும் ஜூலை 18-க்குள் https://ssc.gov.in என்னும் இணையதளத்தில் விண்ணப்பிக்க வேண்டும்.

இதற்கான தோ்வுகள் வரும் செப்டம்பா் மாதம் கணினி மூலம் நடை பெறவுள்ளன. தமிழகத்தில் சென்னை, வேலூா், கிருஷ்ணகிரி, சேலம், திருச்சி, மதுரை, நெல்லை மற்றும் புதுச்சேரியிலும் இத்தோ்வு நடைபெறும் என அதில் தெரிவிக்கப்பட்டுள்ளது.