இந்தியாவின் கனமான ராக்கெட்டாக கருதப்படும் எல்விஎம் 3-எம்2 ராக்கெட் 36 செயற்கைகோள்களுடன் வெற்றிகரமாக விண்ணில் பாய்ந்தது.
பகிர்:
எல்விஎம் 3-எம்2 வகை ராக்கெட் ஆனது திட, திரவ மற்றும் கிரோயோஜெனிக் உள்ளிட்ட வகை எந்திரங்களால் இயக்கப்படும்.ஸ்ரீஹரிகோட்டாவில் உள்ள சதீஷ்தவான் ஏவுதளத்தில் இருந்து இங்கிலாந்தின் 36 செயற்கைகோள்களுடன் எல்விஎம் 3- எம் 2 ராக்கெட் விண்ணில் வெற்றிகரமாக பாய்ந்தது.இஸ்ரேவின் நியூ ஸ்பேஸ் இந்தியா நிறுவனம் மற்றும் இங்கிலாந்தின் ஒன்வெப் நிறுவனம் இடையே புரிந்துணர்வு ஒப்பந்தங்கள் முறையில் விண்ணில் வெற்றிகரமாக செலுத்தப்பட்டது.வர்த்தகரீதியாக முதல் முறையாக இந்திய ராக்கெட் அதிக எடையுள்ள செயற்கைக்கோள்களை விண்ணுக்கு சுமந்து சென்றது.எல்விஎம் 3-எம்2 வகை ராக்கெட் 43.5 மீட்டர் உயரமும், 640 டன் எடையும் கொண்டது.எல்விஎம் 3-எம்2 ராக்கெட் விண்ணில் வெற்றிகரமாக செலுத்தப்பட்டதற்கு பிரதமர் நரேந்திர மோடி அவர்கள் இஸ்ரோ விஞ்ஞானிகளுக்கு பாராட்டு தெரிவித்துள்ளார்.