தேவையான பொருட்கள்

கம்பு குருணை - 1 கப்
தண்ணீர் - 3 கப்
தயிர் - 1 கப்
மோர் - 2 கப்
வெங்காயம் - 1 டீஸ்பூன்
பச்சை மிளகாய் - 2
உப்பு - தேவையான அளவு

செய்முறை

கம்பு குருணையைக் கழுவி 10 நிமிடங்கள் ஊற வைக்கவும். பின்னர் 3 கப் தண்ணீர் விட்டு குக்கரில் 6 விசில் வரை நன்றாக வேக விடவும். வெந்து ஆறியதும் மோர், தயிர், உப்பு, பொடியாக நறுக்கிய வெங்காயம் மற்றும் பச்சை மிளகாயைப் போட்டு நன்றாக நீர்க்கக் கரைக்கவும். சுவையான கம்மங்கூழ் தயார்.

வேக வைத்த கம்பை உருண்டைகளாக உருட்டி வைத்து, தேவைப்படும் போது ஒரு உருண்டை எடுத்து கரைக்கலாம். சூடாக இருக்கும் போது சாதமாகவும் சாப்பிடலாம். மீதமான கம்புருண்டைகளைத் தண்ணீரில் போட்டு வைக்க வேண்டும்.