பானிபட்: ஹரியானா மாநிலம் பானிபட் பகுதியில் எரிவாயு சிலிண்டர் வெடித்து விபத்துக்குள்ளானதில் 14 பேர் காயமடைந்தனர்.

நேற்றிரவு பானிபட் பகுதியில் பாபார் பகுதியில் பிறந்தநாள் விழா ஒன்று நடைபெற்று வந்தது. அப்போது எதிர்பாராதவிதமான அங்கிருந்த எரிவாயு சிலிண்டர் வெடித்து சிதறியது. இந்த விபத்தில் 4 குழந்தைகள் உள்பட 14 பேர் பலத்த காயமடைந்ததாக தகவல்கள் வெளியாகியுள்ளது.

காயமடைந்தவர்கள் அருகில் உள்ள மருத்துவமனையில் அனுமதிக்கப்பட்டு சிகிச்சையளித்து வருகின்றனர். சம்பவ இடத்துக்கு வந்த போலீசார் விசாரணை மேற்கொண்டு வருகின்றனர்.