காங்கிரஸ் மற்றும் மஜத ஆகிய எம்எல்ஏ-க்களின் ஆதரவு தங்களிடம் உள்ளதாக பாஜக முக்கியத் தலைவர் ஈஸ்வரப்பா புதன்கிழமை தெரிவித்துள்ளார்.

கர்நாடகத்தில் ஆட்சி அமைப்பத்தில் இழுபறி நீடித்து வரும் நிலையில், காங்கிரஸ் மற்றும் மஜத எம்எல்ஏ-க்களின் ஆதரவு தங்களிடம் இருப்பதாக பாஜக முக்கியத் தலைவர் ஈஸ்வரப்பா தெரிவித்துள்ளார்.

இதுகுறித்து அவர் மேலும் கூறுகையில்,

காங்கிரஸ் மற்றும் மஜத கூட்டணியை அக்கட்சிகளைச் சேர்ந்த எம்எல்ஏ-க்கள் பலருக்கு அதிருப்தியை ஏற்படுத்தியுள்ளது. எனவே அவர்கள் பாஜக-வுக்கு தங்களின் ஆதரவை அளிக்க முன்வந்துள்ளனர். எனவே காங்கிரஸ் மற்றும் மஜத கட்சிகளைச் சேர்ந்த எம்எல்ஏ-க்கள் பலரின் ஆதரவு எங்களிடம் உள்ளது. கர்நாடகத்தில் பாஜக ஆட்சி அமைவது 100 சதவீதம் உறுதி என்றார்.

இந்நிலையில், பெங்களூருவில் நடைபெற்று வரும் மஜத மற்றும் காங்கிரஸ் கட்சிகளின் எம்எல்ஏ-க்களின் கூட்டத்தில் மஜத எம்எல்ஏ-க்கள் 2 பேர் மற்றும் காங்கிரஸ் எம்எல்ஏ-க்கள் 8 பேர் பங்கேற்காத சூழலில் அங்கு பரபரப்பு ஏற்பட்டுள்ளது.