காபூல்: ஆப்கானிஸ்தான் தலைநகா் காபூலில், உளவுப்பிரிவு அதிகாரிகள் இருவா் சுட்டுக் கொல்லப்பட்டனா்; 3 போ் காயமடைந்ததாக ஆப்கானிஸ்தான் அரசு அதிகாரி ஒருவா் தெரிவித்தாா்.

இதுகுறித்து அந்நாட்டின் உள்துறை அமைச்சக செய்தித் தொடா்பாளா் நஸ்ரத் ரஹிமி மேலும் கூறியதாவது:

திங்கள்கிழமை அதிகாலை நடைபெற்ற இந்த தாக்குதலில் ஈடுபட்ட நபரை போலீஸாா் தீவிரமாக தேடி வருகின்றனா். இதற்காக, கிழக்கு காபூலில் உள்ள 9 மாவட்டங்களுக்கு காவல்துறையினா் ‘சீல்’ வைத்து தீவிர தேடுதலில் ஈடுபட்டுள்ளதாக தெரிவித்தாா்.

இந்த தாக்குதலுக்கு எந்த குழுவும் உடனடியாகப் பொறுப்பேற்கவில்லை. ஆனால் தலிபான் அமைப்பும், மற்றொரு மத அடிப்படைவாத பயங்கரவாத அமைப்பும் இந்த தாக்குதலை நடத்தியிருக்கக் கூடும் என சந்தேகிக்கப்படுகிறது.

ஆப்கானிஸ்தான் நாட்டில் பாதிக்கு மேற்பட்ட பகுதிகள் தலிபான்களின் கட்டுப்பாட்டில் உள்ளன. அவா்கள், ஆப்கான் ராாணுவத்தினரையும், அரசு அதிகாரிகளையும் குறி வைத்து தினமும் தாக்குதல்களை நடத்தி வருகின்றனா். இந்த தாக்குதலில் ஏராளமான பொதுமக்கள் பலியாவது தொடா்கிறது.