கோவா முதல்வர் மனோகர் பாரிக்கர், கணைய புற்றுநோயால் பாதிக்கப்பட்டிருந்த நிலையில், அமெரிக்காவுக்கு சென்று சிகிச்சை பெற்றுத் திரும்பினார். பின்னர் தில்லி எய்ம்ஸ் மருத்துவமனையிலும், அதைத் தொடர்ந்து வீட்டில் இருந்தபடியும் அவர் சிகிச்சை பெற்றார். 

எனினும், புற்றுநோயிடம் இருந்து அவரைக் காப்பாற்ற முடியவில்லை. பனாஜியில் உள்ள அவரது இல்லத்தில் மனோகர் பாரிக்கர், ஞாயிற்றுக்கிழமை காலமானார். அவருக்கு வயது 63. 

இந்நிலையில், கோவாவில் பாஜக பெரும்பான்மை இழந்துவிட்டதாக காங்கிரஸ் கட்சி தெரிவித்துள்ளது. மேலும் அங்கு ஆட்சியமைக்க உரிமை கோரி கோவா ஆளுநர் மிருதுளா சின்ஹாவிடம் காங்கிரஸ் கட்சியை சேர்ந்த 14 சட்டப்பேரவை உறுப்பினர்களும் மனு அளித்தனர்.