ஜார்கண்ட் மாநிலத்தில் நடந்த வெடிகுண்டுத் தாக்குதலில் கோப்ரா படையினர் மற்றும் மாநில போலீஸார் பலத்த காயமடைந்தனர்.

அம்மாநிலத்தின் சரைகேலா பகுதியில் உள்ள குசாய் எனுமிடத்தில் அதிகாலை 4:53 மணியளவில் இந்த குண்டுவெடிப்புத் தாக்குதல் நடத்தப்பட்டது.

இதில் 209 கோப்ரா குழுவைச் சேர்ந்த 8 வீரர்களும், ஜார்க்கண்ட் மாநில போலீஸார் 3 பேரும் பலத்த காயமடைந்தனர். இதையடுத்து அனைவரும் மீட்கப்பட்டு ராஞ்சி மருத்துவமனையில் அனுமதிக்கப்பட்டனர்.

சிறப்பு அதிரடிப்படை நடவடிக்கைக்கு செல்லும்போது இந்த தாக்குதல் சம்பவம் நடத்தப்பட்டுள்ளது குறிப்பிடத்தக்கது.